Tuman Kengashi kotibiyat mudiri X. Sultonov tomonidan «Sayopir» mahallasida mahalla yettiligi tomonidan ijtimoiy reyestrga kiritilgan oilalar bilan olib borilayotgan ishlar samaradorligi o‘rganildi.
O‘rganish jarayonida reyestrdagi oila aʼzolarini tibbiy ko‘rikdan o‘tkazish, farzandlarni maktabgacha taʼlim tashkilotlariga jalb qilish, maktab o‘quvchilarini qo‘shimcha to‘garaklarga yo‘naltirish masalalari tahlil qilindi.
Shuningdek, mehnat qilish imkoniyatiga ega fuqarolarni doimiy ish bilan taʼminlash, oilalar uchun barqaror daromad manbasini yaratish hamda davlat taʼminotida bo‘lgan fuqarolarga belgilangan ijtimoiy xizmatlarni ko‘rsatish holatiga alohida eʼtibor qaratildi.
Aniqlangan masalalar yuzasidan mahalla yettiligi bilan birgalikda amaliy choralarni belgilash va ijtimoiy reyestrdagi oilalar bilan ishlash samaradorligini oshirish bo‘yicha vazifalar belgilandi.