Deputatlik so‘rovi yuborildi

Fuqarolar bilan uchrashuvlar va o‘rganishlar davomida Ahnor va Tinchlik ko‘chalarida yashovchi fuqarolarning elektr kuchlanishining pastligi bilan bog‘liq murojaati kelib tushdi.

Murojaatda ayrim vaqtlarda elektr energiyasidan to‘liq va barqaror foydalanishda qiyinchiliklar yuzaga kelayotgani bildirilgan.

Mazkur masala yuzasidan mas’ul tashkilotlarga deputatlik so‘rovi yuborildi.

So‘rovda:
🔹 elektr tarmoqlari va transformator qurilmalarining texnik holatini o‘rganish;
🔹 tarmoqdagi elektr kuchlanish darajasini aniqlash;
🔹 past kuchlanishga sabab bo‘layotgan omillarni belgilash;
🔹 aniqlangan kamchiliklarni bartaraf etish;
🔹 zarur hollarda elektr tarmoqlarini ta’mirlash va quvvatini yaxshilash bo‘yicha choralar ko‘rish so‘raldi.

Shuningdek, ko‘rilgan choralar va amalga oshirilgan ishlar yuzasidan tegishli ma’lumot taqdim etilishi so‘raldi.
Aholining murojaatlari va muammolarini o‘rganish hamda ularning yechimini topish bo‘yicha ishlar davom ettiriladi.