Ichimlik suvi bo‘yicha murojaat qayd etildi

Xalq deputatlari Termiz tuman Kengashi 5-Uchqizil saylov okrugi deputati Sh. Norsayev o‘zi saylangan Uchqizil MFY, Bog‘zor ko‘chasida fuqarolar bilan muloqot qildi.

Muloqot davomida ko‘cha yaqinidan toza ichimlik suvi tarmog‘i o‘tganligi, biroq ushbu tarmoqdan ko‘cha aholisiga ichimlik suvi tortib berish masalasi mavjudligi yuzasidan murojaat bildirildi.

Mazkur murojaat Murojaatlar daftariga qayd etilib, masalani o‘rganish va tegishli tashkilotlar bilan hamkorlikda hal etish choralari ko‘rilishi belgilandi.