Xalq deputatlari Yangiobod tuman Kengashi deputati A. Isroilov tomonidan Sarmich MFY hududidagi 13-sonli umumiy o‘rta ta’lim maktabi hududida “Tashabbusli budjet” loyihasi doirasida qurilayotgan mini stadionda amalga oshirilayotgan ishlar holati o‘rganildi.

Tashrif davomida mini stadion qurilishining borishi, bajarilayotgan ishlarning sifati, belgilangan loyiha talablari asosida tashkil etilishi hamda hududdan samarali foydalanish masalalari ko‘zdan kechirildi.

Shuningdek, sport inshootining o‘quvchilar uchun qulay va xavfsiz bo‘lishi, sport mashg‘ulotlarini muntazam tashkil etish imkoniyati, futbol va boshqa jismoniy tarbiya mashg‘ulotlarini o‘tkazish uchun zarur sharoitlarni yaratish masalalariga alohida e’tibor qaratildi.

Deputat tomonidan qurilish jarayonida sifat va xavfsizlik talablariga qat’iy rioya etish, foydalanilayotgan qurilish materiallarining sifatiga e’tibor qaratish hamda ishlarni belgilangan muddatlarda yakunlash muhimligi ta’kidlandi.

Mazkur loyiha amalga oshirilishi natijasida maktab o‘quvchilarining sport bilan muntazam shug‘ullanishi, bo‘sh vaqtini mazmunli o‘tkazishi va sog‘lom turmush tarzini shakllantirishi uchun qo‘shimcha imkoniyat yaratiladi.

O‘rganish davomida aniqlangan masalalar yuzasidan tegishli tavsiyalar berildi. Qurilish ishlarining sifati va belgilangan vazifalar ijrosi deputatlik nazorati doirasida kuzatib boriladi.