Yoshlarning bo‘sh vaqtini mazmunli tashkil etish, ularni sportga keng jalb qilish hamda sport maktablarida yaratilgan shart-sharoitlarni yaxshilash borasidagi ishlar deputatlik nazorati doirasida o‘rganilmoqda.

Xalq deputatlari Termiz shahar Kengashi kotibiyati mudiri, deputat A.Ashurov, Kengashning Mahalliy budjet, iqtisodiy islohotlar masalalari bo‘yicha doimiy komissiyasi raisi, ekspert guruhi rahbari A.Mustafakulov hamda Kengash kotibiyati bosh mutaxassisi R.Mamashukurov tomonidan shahardagi sport maktablaridan birida o‘rganish olib borildi.

Tashrif davomida mazkur sport maktabining faoliyati, sport to‘garaklarining tashkil etilishi, shug‘ullanuvchi yoshlar uchun yaratilgan shart-sharoitlar, mavjud moddiy-texnik baza hamda sport inventarlari holati bilan yaqindan tanishildi.

Shuningdek, deputatlarga biriktirilgan tashkilot sifatida mazkur sport maktabida amalga oshirilayotgan ishlar, mavjud muammolar va ularni bartaraf etish bo‘yicha ko‘rilayotgan choralar ham tahlil qilindi.

O‘rganish davomida sport bilan shug‘ullanish istagidagi yoshlar uchun qulay sharoitlarni yanada kengaytirish, sport inshootlaridan samarali foydalanish va mavjud kamchiliklarni bartaraf etish yuzasidan mas’ullarga tegishli tavsiya va takliflar bildirildi.

Deputatlik nazorati — muammo va kamchiliklarni joyida aniqlash, ularning yechimiga amaliy ko‘maklashish va fuqarolar manfaatlarini ta’minlashning muhim vositasidir.