Xalq deputatlari Arnasoy tuman Kengashi deputati Sh.Xudoyqulov tomonidan o‘z saylov okrugida fuqarolarning murojaatlari o‘rganilib, ularni hal etish yuzasidan amaliy ishlar olib borilmoqda.

Jumladan, fuqarolar tomonidan Oltin Vodiy MFYdagi Cho‘lpon, Yangi yo‘l hamda Ma’rifat ko‘chalarini Bobur MFYdagi Katta bog‘ ko‘chasi bilan bog‘lovchi zovur ustidagi ko‘prikni ta’mirlash va tungi yoritish chiroqlarini o‘rnatish yuzasidan murojaatlar bildirilgan.

Mazkur murojaatlar deputat tashabbusi bilan o‘rganilib, ayni kunlarda ko‘prikning ustki qismiga metall qoplama yotqizish ishlari amalga oshirilmoqda.

Shuningdek, ko‘prikni tungi vaqtda xavfsiz va qulay foydalanish imkonini ta’minlash maqsadida yoritish chiroqlarini o‘rnatish bo‘yicha ham tegishli ishlar olib borilmoqda.

Mazkur amaliy ishlar hudud infratuzilmasini yaxshilash, fuqarolar uchun qulay va xavfsiz harakatlanish sharoitlarini yaratishga xizmat qiladi.