Xalq deputatlari Bo‘stonliq tumani Kengashining haftalik media-rejasiga muvofiq O‘zbekiston Respublikasi Prezidentining 2026-yil 3-sentyabr kuni kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish yuzasidan o‘tkazgan videoselektor yig‘ilishi hamda 2026-yil 11-sentyabrdagi PF-193-son Farmoniga asosan tumanning “G‘azalkent” mahallasidagi “Ijtimoiy himoya reyestri”ga kiritilgan oilalarga ko‘rsatilayotgan ko‘maklar Kengash raisi O.Babayev, deputat F.Axmedov, kotibiyat mudiri J.Sadirov tomonlaridan tuman hokimining birinchi o‘rinbosari X.Abduyusupov va “mahalla yettiligi” a’zolari ishtirokida o‘rganildi.

🔻O‘rganish davomida reyestrga kiritilgan birinchi oilaga imtiyozli kreditlar asosida uy-joylarini ta’mirlash, chorva mollarini xarid qilishga ko‘maklashilganligi, ikkinchi oilaga foizsiz ssuda mablag‘lari hisobidan malina yetishtirish yo‘lga qo‘yilganligi, ushbu o‘rganilgan oilalar haqiqatdan daromad manbaiga ega bo‘lganliklari aniqlandi.

🔻Mamlakatimizda ehtiyojmand oilalarni qo‘llab-quvvatlash bo‘yicha olib borilayotgan islohotlarga fuqarolar tomonidan ijobiy fikrlar va shukronalik munosabati bildirildi. Bu kabi o‘rganishlar tumanning barcha mahallalarida muntazam ravishda olib borilishi deputatlar tomonlaridan ta’kidlandi.