O‘rganish jarayonida mahalla bankirining hududdagi aholi, ayniqsa, tadbirkorlik faoliyatini yo‘lga qo‘yish istagidagi fuqarolar bilan olib borayotgan ishlari ko‘rib chiqildi.

Shuningdek, aholining moliyaviy imkoniyatlarini kengaytirish, tadbirkorlik tashabbuslarini qo‘llab-quvvatlash, yangi loyihalarni amalga oshirish uchun kredit va moliyaviy xizmatlardan foydalanish imkoniyatlarini tushuntirish borasidagi faoliyatga e’tibor qaratildi.

Mahallada yangi ish o‘rinlarini yaratish, aholi bandligini ta’minlash, oilaviy tadbirkorlikni rivojlantirish va fuqarolarning daromad manbalarini ko‘paytirishga qaratilgan ishlarning samaradorligi ham tahlil qilindi.

O‘rganish davomida mavjud muammolar va ularni bartaraf etish imkoniyatlari yuzasidan fikr-mulohazalar almashilib, mahalla bankiri faoliyatini yanada takomillashtirish bo‘yicha tegishli tavsiya va takliflar bildirildi.

Aholining iqtisodiy faolligini oshirish, tadbirkorlik tashabbuslarini qo‘llab-quvvatlash va yangi daromad manbalarini yaratish — mahallalarda farovonlikni ta’minlashning muhim omilidir.