Xalq deputatlari vakili Muhiddin Abdullayev tomonidan shahrimizdagi Usmon Nosir mahallasida keng qamrovli oʻrganish va tahlil ishlari olib borildi. O'rganishning asosiy maqsadi — mahalla drayverlarini aniqlash, hokim yordamchisining ish samaradorligini baholash hamda aholi farovonligini oshirishga qaratilgan amaliy chora-tadbirlar ijrosini koʻzdan kechirishdan iborat boʻldi.

Oʻrganishlar davomida quyidagi muhim yoʻnalishlarga alohida eʼtibor qaratildi:
Hokim yordamchisi faoliyati tahlili: Mahalla hokim yordamchisining "Xonadonbay" ishlash tizimi, fuqarolarning murojaatlari bilan ishlash holati hamda «Mahalla yettiligi» bilan birgalikdagi koʻrsatkichlari atroflicha koʻrib chiqildi.
Aholi bandligi va daromad manbalari: Hududda yangi ish oʻrinlarini yaratish, ishsiz fuqarolarni, ayniqsa yoshlar va xotin-qizlarni kasb-hunarga yoʻnaltirish hamda doimiy va mavsumiy ish bilan taʼminlash boʻyicha amalga oshirilgan ishlar tahlil qilindi.
Tadbirkorlik subyektlari rivoji: Mahalla hududida faoliyat yuritayotgan biznes subyektlari, kichik ishlab chiqarish va xizmat koʻrsatish shoxobchalari faoliyati oʻrganildi. Tadbirkorlarga yaratilgan sharoitlar, imtiyozli kreditlar berilishi va mavjud toʻsiqlarni bartaraf etish masalalari muhokama etildi.

Deputat Muhiddin Abdullayev mahalla infratuzilmasini yanada yaxshilash, fuqarolar bandligini taʼminlash koʻrsatkichlarini oshirish hamda yangi tadbirkorlik loyihalarini qoʻllab-quvvatlash boʻyicha hokim yordamchisi va masʼullarga oʻz taklif hamda tavsiyalarini berib oʻtdi.