Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan yoshlarga oid davlat siyosatining amalga oshirilishi, “Yoshlarga oid davlat siyosati to‘g‘risida”gi Qonun ijrosining ta’minlanishi, bitiruvchilarning oliy ta’lim muassasalariga kirish ko‘rsatkichlarining 2 yillik tahlili hamda ijtimoiy soha obyektlarining kuz-qish mavsumiga tayyorgarligi masalalari yuzasidan hududlarda o‘rganishlar olib borilmoqda.

Mazkur yo‘nalishlar doirasida Xalq deputatlari Pastdarg‘om tumani Kengashi deputati N.Allayorova tomonidan Ilm MFYdagi 99-sonli umumta’lim maktabining yangi o‘quv yiliga tayyorgarlik holati o‘rganildi.

O‘rganish davomida maktabning yangi o‘quv yilini munosib kutib olishga tayyorgarligi, o‘quvchilar uchun yaratilgan sharoitlar, ta’lim muassasasining moddiy-texnik bazasi hamda mavjud kamchiliklarga e’tibor qaratildi.

Shuningdek, ijtimoiy soha obyektining kuz-qish mavsumiga tayyorgarlik holati ham ko‘zdan kechirildi.

📌 O‘rganish natijalari umumlashtirilib, aniqlangan masalalar yuzasidan tegishli choralar ko‘rish va ularning ijrosini deputatlik nazorati asosida kuzatib borish belgilandi.