Deputat tomonidan o‘tkazilgan navbatdagi fuqarolar qabulida 10-“Navro‘z” saylov okrugi hududida yashovchi fuqarolar ichimlik suvi sifatining yomonlashgani yuzasidan murojaat qildi. Aholining ta’kidlashicha, ayrim kunlari xonadonlarga loyqa va iste’mol uchun yaroqsiz holatdagi suv yetib kelmoqda.
Murojaat joyiga chiqib o‘rganilganda, fuqarolar tomonidan ko‘tarilgan masala dolzarbligi tasdiqlanib, holatni chuqur o‘rganish hamda tegishli choralar ko‘rish zarurligi qayd etildi.
📝 Deputat so‘rovida quyidagi masalalar ilgari surildi:
✅ “Navro‘z” mahallasida ichimlik suvi sifatining yomonlashish sabablarini aniqlash;
✅ Suv ta’minoti tarmoqlarining texnik holatini o‘rganish va zarur tahlillarni o‘tkazish;
✅ Aniqlangan kamchiliklarni bartaraf etish yuzasidan amaliy choralar ko‘rish;
✅ Ko‘rilgan choralar va o‘rganish natijalari haqida deputatga hamda Kengash kotibiyatiga qonunchilikda belgilangan tartibda ma’lumot taqdim etish.
⚖️ Fuqarolarning toza va sifatli ichimlik suvi bilan ta’minlanishi aholi salomatligi va turmush sifati uchun muhim omil hisoblanadi. Mazkur masala deputat nazoratiga olinib, murojaatda ko‘tarilgan muammoning qonuniy va amaliy yechimini ta’minlash bo‘yicha tegishli tashkilotlardan aniq choralar kutilyapti.