Deputatlar rayon orayın bildiriwshi jol belgileri ornatıw máselesin úyrendi.

⭕️ Xalıq deputatları Shımbay rayonlıq Keńesi deputatları E.Madreymov, Q.Xamidullaev hám de Shımbay rayonı Ishki isler bólimi jol háreketi qáwipsizligi toparı aǵa inspektorı podpolkovnik B.Kaniyazov hám tiyisli taraw wákilleri  menen birgelikte rayon orayına kiriw hám shıǵıw jollarında rayon orayın bildiriwshi jol belgileriniń jaylasıwı hám texnikalıq jaǵdayı úyrenildi.

❗️ Úyreniw dawamında aydawshılar hám piyadalar ushın jol háreketi qáwipsizligin támiyinlew, rayon orayına kiriw baǵdarların anıq kórsetip beriw jáne jol háreketin tártipke salıw maqsetinde tiyisli jol belgileri ornatılıwı zárúr bolǵan aymaqlar belgilep alındı.

Ózbekstan Respublikasınıń 2024-jıl 19-yanvar kúngi “Jol háreketi haqqında”ǵı ÓRQ-900-sanlı Nızamı, Ózbekstan Respublikası Ministrler Kabinetiniń 2023-jıl 3-aprel kùngi “Jol háreketi qaǵıydalarına avtomobil jollarında háreket qáwipsizligin támiyinlewge qaratılǵan ózgeris kirgiziw haqqında”ǵı 140-sanlı qararı hám de Qaraqalpaqstan Respublikası Ishki isler Ministrligi 3-zonallıq aymaq Shımbay rayonı Ishki isler bòliminiǹ 2026-jıl 20-iyul kùngi 44/45-11/3124-sanlı usınıs xatı tiykarında jol-transport hádiyseleriniń aldın alıw, piyadalar hám jol háreketi qatnasıwshılarınıń qáwipsizligin támiyinlew, xalıq tıǵız jaylasqan aymaqlar hám bilimlendiriw mákemeleri janında transport qurallarınıń tezligin sheklew boyınsha ámelge asırılıp atırǵan jumıslar kórip shıǵıldı.

Ùyreniw dawamında rayon orayında Hòkis-Shımbay-Taxtakòpir D-234 avtomobil jolınıǹ 54 km baslap avtotransport qurallarınıǹ tezligi 60 km/saat shekem sheklew boyınsha usınısı kórip shıǵıldı

Anıqlanǵan kemshiliklerdi saplastırıw, zárúr jol belgileri belgilengen tártipte ornatılıwı hám olardıń kóriniwin támiyinlew boyınsha juwapker shólkemlerge tiyisli usınıslar berildi.

Bul jumıslar rayon aymaǵında jol háreketi qáwipsizligin jáne de jaqsılaw jáne transport quralları hám piyadalar háreketin tártipli shólkemlestiriwge qaratılǵan.