📌Xalq deputatlari Yashnobod tuman Kengashi deputati Mirjamol Mirsaidov Istiqlol mahallasi hududida joylashgan 307-sonli umumta’lim maktabiga tashrif buyurib, o‘quvchilarning bo‘sh vaqtlarini mazmunli tashkil etish maqsadida yo‘lga qo‘yilgan to‘garaklar faoliyati bilan tanishdi.

❗️Tashrif davomida maktabdagi sport-sog‘lomlashtirish maydonchasi ko‘zdan kechirilib, o‘quvchilar uchun yaratilgan shart-sharoitlar o‘rganildi. Shuningdek, tasviriy san’at to‘garagida bo‘lib, yosh ijodkorlarning ijodiy ishlari, ular uchun yaratilgan imkoniyatlar hamda mashg‘ulotlar jarayoni bilan tanishildi.

✅Deputat maktab rahbariyati va pedagoglar bilan muloqot qilib, yoshlarning jismoniy va ma’naviy-estetik kamolotiga xizmat qiladigan to‘garaklar faoliyatini yanada rivojlantirish, iqtidorli o‘quvchilarni qo‘llab-quvvatlash hamda mavjud shart-sharoitlarni takomillashtirish yuzasidan fikr va takliflar bildirdi.