Aholi uchun munosib turmush sharoitlarini yaratish, mahallalardagi infratuzilmani yaxshilash doimiy e'tiborda!
Bugun Xalq deputatlari Olmaliq shahar Kengashining 15-okrug deputati Ravshan Siddiqov hamda 1-okrug deputati Faxriddin Matasimov tomonidan “Hilol” mahallasida navbatdagi o‘rganish ishlari olib borildi.
O‘rganishlar davomida mahallaning:
🛣 Ichki yo‘laklari holati;
💡 Tungi yoritgichlar bilan ta'minlanganlik darajasi va ularning sozliligi atroflicha ko‘zdan kechirildi.

Quvonarlisi, o‘rganish jarayonida mahallasida ichki yo‘laklarning ravonligi, fuqarolar va avtotransport vositalari harakati uchun qulay sharoitlar yaratilgani, shuningdek, tungi vaqtlarda aholi xavfsizligini ta'minlovchi zamonaviy yoritish tizimi bir maromda ishlayotgani ma'lum bo‘ldi. Holatning ijobiy ekani hamda hududda obodonlashtirish ishlariga alohida e'tibor qaratilayotgani ta'kidlandi.
"Aholimizning tungi vaqtlarda ko‘chalarda xavfsiz harakatlanishi va qulay joylarda yashashi biz uchun ustuvor vazifa. 'Hilol' mahallasida amalga oshirilgan amaliy ishlar bunga yorqin misoldir."

Aholi farovonligi va mahallalar obodligi yo‘lidagi deputatlik nazorati hamda o‘rganish ishlari shahar bo‘ylab izchil davom ettiriladi.