DOIMIY KOMISSIYA TOMONIDAN RASMIY XAT YUBORILDI

Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy masalalar bo‘yicha doimiy komissiyasi tomonidan deputatlik nazorati doirasida navbatdagi amaliy ishlar olib borildi.

“O‘zbekiston Respublikasining Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 19¹-moddasi 4-bandiga muvofiq, deputatlar tegishli hududdagi davlat organlari va tashkilotlari, mansabdor shaxslardan zarur ma’lumotlar, ekspert xulosalari hamda boshqa axborotlarni talab qilib olish vakolatiga ega.

Mazkur vakolatdan kelib chiqib, doimiy komissiya tomonidan tumandagi budjet mablag‘larining 1-yarim yillik davomida maqsadli sarflanishi va ularning samaradorligini o‘rganish maqsadida Pastdarg‘om tumani Moliya bo‘limiga ma'lumot so'ralgan rasmiy xat yuborildi.