Xalıq deputatları Bozataw rayonlıq Keńesi 11-sanlı "Ustalar elatı" saylaw okruginen (ÓzLiDeP) saylanǵan deputat B.Nurlımuratova tárepinen ózine biriktirilgen Bozataw rayonı Qurılıs hám turaq jay kommunal xojalıǵı bóliminiń jumısları menen tanısıw maqsetinde úyreniw jumısları alıp barıldı.

Úyreniw dawamında bólim tárepinen ámelge asırılıp atırǵan qurılıs hám abadanlastırıw jumıslarınıń barısı, turaq jay kommunallıq xızmetlerdiń sapasın jaqsılaw, infrastrukturanı rawajlandırıw boyınsha alıp barılıp atırǵan jumıslar hám belgilengen rejeler boyınsha pikir alısıldı.

Sonday-aq, jumıslardıń nátiyjeliligin arttırıw, xalıqqa kórsetilip atırǵan xızmetlerdiń sapasın jaqsılaw hám bar bolǵan máselelerdi óz waqtında sheshiw boyınsha usınıslar bildirildi.

Deputat tárepinen bul baǵdardaǵı jumıslardı úzliksiz deputatlıq qadaǵalawǵa alıp barıw dawam ettiriletuǵını atap ótildi.