Xalq deputatlari Bo‘zatov tumani Kengashi 8-sonli «Erkindárya» saylov okrugidan (O‘zLiDeP) saylangan deputat J.Jumanazarov o‘z saylov hududida aholi murojaatiga asosan «Shortanbay» kanalida bo‘lib, mavjud holatni joyiga chiqqan holda o‘rgandi.

Ma’lum bo‘lishicha, «Shortanbay» kanali «Erkindárya» hududidagi markaziy ko‘chalarni suv bilan ta’minlashda muhim ahamiyat kasb etadi. Hozirda kanaldagi suv to‘g‘onining beton truba yuqorida qolib ketgani sababli suvning bir maromda taqsimlanishida muammolar yuzaga kelmoqda.

Deputat tomonidan mazkur masala atroflicha o‘rganilib, beton tirgakni tegishli darajaga tushirish hamda aholini suv bilan barqaror ta’minlash bo‘yicha mutasaddi tashkilotlar bilan hamkorlikda zarur choralarni ko‘rish yuzasidan tegishli takliflar bildirildi.
Mazkur masala deputatlik nazoratiga olindi.