Xalq deputatlari Qo‘shko‘pir tuman Kengashi deputati N. Baymuratova hamda Kengash kotibiyati bosh mutaxassisi S. Matyaqubova Ayronko‘l mahallasida joylashgan oilaviy poliklinikada olib borilayotgan kapital ta’mirlash ishlarining borishini joyiga chiqib o‘rgandilar.
O‘rganish jarayonida qurilish-ta’mirlash ishlarining sifati, belgilangan muddatlarga rioya etilishi hamda tibbiyot muassasasida aholi uchun zamonaviy va qulay sharoitlar yaratish masalalariga alohida e’tibor qaratildi.
Ta’kidlanganidek, deputatlik nazorati fuqarolarga ko‘rsatilayotgan tibbiy xizmatlar sifatini oshirish, sog‘liqni saqlash infratuzilmasini yanada mustahkamlash hamda davlat dasturlarining joylarda samarali ijrosini ta’minlashda muhim omil bo‘lib xizmat qiladi.