Xalq deputatlari G‘ozg‘on shahar Kengashi deputati O.Sharipov hamda shahar Kengashi kotibiyati bosh mutaxassisi H.Pardayev hamrohligida mahalladagi ijtimoiy xodimlar faoliyati o‘rganildi.

️ O‘rganish davomida "Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida"gi O‘zbekiston Respublikasi Qonuni talablari asosida aholining ijtimoiy ehtiyojmand qatlamlariga ko‘rsatilayotgan xizmatlarning sifati, kam ta’minlangan oilalarga ijtimoiy nafaqalar hamda moddiy yordam tayinlash va to‘lash holati atroflicha tahlil qilindi.

️ O‘rganish jarayonida ijtimoiy yordamga muhtoj fuqarolarni aniqlash, ularning murojaatlarini o‘z vaqtida ko‘rib chiqish, ijtimoiy xizmatlarning manzilliligi hamda nafaqa va moddiy yordamlarning amaldagi tartiblar asosida tayinlanishi yuzasidan tegishli hujjatlar ko‘zdan kechirildi.

🔸Shuningdek, fuqarolar bilan suhbatlar o‘tkazilib, ko‘rsatilayotgan ijtimoiy xizmatlar sifati, murojaatlarni ko‘rib chiqish amaliyoti hamda mavjud muammolar o‘rganildi.

🔸 Aniqlangan kamchiliklarni bartaraf etish va ijtimoiy xizmatlar samaradorligini yanada oshirish yuzasidan mas’ullarga tegishli tavsiya va takliflar bildirildi.

Xalq deputatlari G‘ozg‘on shahar Kengashi tomonidan aholining ijtimoiy himoyasini kuchaytirish, ehtiyojmand fuqarolarning qonuniy manfaatlarini ta’minlash hamda bu boradagi qonun hujjatlari ijrosi ustidan deputatlik nazorati izchil davom ettiriladi.