Konimex tumanidagi barcha mahallalarda "Kambag'allikdan farovonlik sari" shiori ostida "mahalla yettiligi" tomonidan aholiga murojaatnoma yo'llanmoqda. Xususan, "To'qqiztepa" mahalla fuqarolar yig‘inida o'tkazilgan tadbirda tuman Kengashi raisi Ruslan Ro'ziyev, “mahalla yettiligi”, mahalla fuqarolari, tashkilotlar rahbarlari ishtirok etishdi. Muhtaram Prezidentimiz tomonidan ilgari surilgan "Kambag'allikdan farovonlik sari" ezgu shiori ostida mahalla fuqarolarga yo'llangan murojaatda aholi farovonligini aholi bandligi va daromadini oshirish, kambag'allikdan chiqarish orqali ta'minlash hamda bu borada "mahalla yettiligi" oldida turgan muhim vazifalar ta'kidlandi. Aholiga xush kayfiyat ulashish maqsadida tuman madaniyat bo‘limining xushovoz xonandalari o'zlarining diltortar kuy-musiqalar bilan ishtirok etishdi. Bayramga aylanib ketgan tadbirda fuqarolar uchun bayromona dasturxon yozilib, miliy taom - osh tortildi.