"Tadbirkorlikni qo‘llab-quvvatlashda yangi bosqich"

    Yaqinda bo‘lib o‘tgan Birlashgan Millatlar Tashkiloti Bosh Assambleyasining 80-sessiyasida O‘zbekiston Respublikasi Prezidenti Shavkat Mirziyoyev tomonidan ilgari surilgan tashabbuslar mamlakatimiz taraqqiyotining yangi istiqbollarini ochib berdi.

 Davlatimiz rahbari nutqida kichik biznes va xususiy tadbirkorlikni rivojlantirish, investisiya muhitini yaxshilash, sanoat va innovatsiya sohalarida yangi imkoniyatlar yaratish masalasiga alohida e’tibor qaratdi. Shu bilan birga, korrupsiyaga qarshi qat’iy kurashish, raqamli iqtisodiyot va “yashil iqtisodiyot”ni jadal rivojlantirish, xalqaro hamkorlik va mintaqaviy loyihalarni kengaytirish zarurligi qayd etildi.

 Biz, mahalliy Kengash deputatlari sifatida, mazkur g‘oya va tashabbuslarning hayotga tatbiq etilishida faol ishtirok etishga tayyormiz. Xususan, tumanimizda tadbirkorlikni qo‘llab-quvvatlash, yoshlar va xotin-qizlarning biznes sohasidagi faolligini oshirish, yangi ish o‘rinlari yaratish bo‘yicha amaliy chora-tadbirlarni davom ettiramiz.

 Prezidentimiz tomonidan bildirilgan fikrlar tumanimizda ham tadbirkorlar uchun qulay muhit yaratishga, investisiyalarni jalb qilishga va xalqimiz farovonligini ta’minlashga qaratilgan ishlarimizning yo‘nalishini belgilab berdi.

 Shu ma’noda, har bir deputat xalq ishonchini oqlab, tadbirkorlikka oid tashabbuslarni qo‘llab-quvvatlash va qonun ustuvorligini ta’minlashda o‘z mas’uliyatini yanada oshirishi zarur.

 Xalq deputatlari Oqoltin tuman Kengashi deputati Shavkatjon Muqumov

 Xalq deputatlari Oqoltin tuman Kengashi kotibiyati