Xalq deputatlari tuman Kengashi deputati Tamanno Ashurova "Xatib Qaxramon" mahallasida istiqomat qiluvchi fuqarolar bilan yakka tartibdagi uchrashuv o‘tkazdi. Uchrashuv davomida aholi tomonidan turli masalalar, jumladan, ijtimoiy yordam, bandlik, tadbirkorlikni rivojlantirish, kommunal xizmatlar hamda infratuzilma bilan bog‘liq murojaatlar bildirildi.

Deputat har bir fuqaroning murojaatini diqqat bilan tinglab, ularni hal etish yuzasidan tegishli tashkilot va mutasaddi idoralar bilan hamkorlikda ish olib borilishini ma’lum qildi. Ayrim masalalar joyida ijobiy hal etildi, qo‘shimcha o‘rganishni talab qiladigan murojaatlar esa nazoratga olindi.

Uchrashuv ochiq va samimiy muloqot tarzida o‘tdi. Fuqarolar o‘z taklif va tashabbuslarini bildirish imkoniyatiga ega bo‘ldilar. Deputat tomonidan bunday uchrashuvlar aholi bilan doimiy muloqotni ta’minlash va mavjud muammolarni o‘z vaqtida bartaraf etishda muhim ahamiyat kasb etishi ta’kidlandi.