ҲАР БИР ОИЛАНИНГ ДОИМИЙ ДАРОМАД МАНБАИ БЎЛИШИ КЕРАК
Халқ депутатлари Янгиқўрғон тумани Кенгаши депутати, туман ҳокими Асадулла Нажмиддинов «Нурафшон» маҳалласида камбағалликни қисқартириш, эҳтиёжманд оилаларни қўллаб-қувватлаш ҳамда уларнинг доимий даромад манбаини яратиш борасида амалга оширилаётган ишлар билан танишди.
🔹 Ўрганиш давомида оилаларнинг ижтимоий аҳволи, меҳнат қилиш имкониятлари ва бандлик масалаларига алоҳида эътибор қаратилди. Ҳар бир хонадоннинг эҳтиёжи ва имкониятидан келиб чиқиб, фуқароларни ишга жойлаштириш, касб-ҳунарга ўқитиш ҳамда тадбиркорликка жалб этиш орқали оилаларнинг иқтисодий барқарорлигини таъминлаш муҳимлиги таъкидланди.
🔹 Шунингдек, маҳалла «еттилиги» аъзоларининг хонадонларни хатловдан ўтказиш жараёнидаги иштироки муҳокама қилинди. Хатловни сифатли ташкил этиш, аҳолининг ҳақиқий эҳтиёжларини аниқлаш ва ҳар бир оила билан манзилли ишлаш юзасидан фикр алмашилди.
🔹 Депутатлик фаолияти доирасида аҳоли билан бевосита мулоқот қилиш, оилаларнинг муаммоларини ўрганиш ҳамда уларнинг ечимида тегишли ташкилотлар билан ҳамкорликни кучайтиришга эътибор қаратилди.
📌 «24 та тавсия» асосида маҳаллаларда аҳоли муаммоларини ўрганиш, эҳтиёжманд оилаларни қўллаб-қувватлаш ва бандликка кўмаклашиш депутатлик фаолиятининг муҳим йўналишларидан ҳисобланади.
🤝 Асосий мақсад — ҳар бир оиланинг ўз меҳнати орқали барқарор даромад топиши ва турмуш фаровонлигини оширишига кўмаклашиш.