#24_ta_masala

Xalq deputatlari Qo‘shko‘pir tuman Kengashi deputati X.Artiqov aholi farovonligini ta’minlash, fuqarolarning tibbiy-ijtimoiy himoyasini kuchaytirish hamda bevosita mahallalarda xalq bilan muloqotni samarali tashkil etish maqsadida "Sherobod" mahallasida bo‘ldi.

Deputat mahalla patronaj hamshiralari bilan hamkorlikda hududda istiqomat qiluvchi, "Detta talassemiya" tashxisi qo‘yilgan og‘ir xastalikka chalingan 2014-yil 26-iyunda tug‘ilgan Rahimboyev Xalil va uning akasi 2010-yil 18-mayda tug‘ilgan Rahimboyev Habibning xonadoniga tashrif buyurib, ularning salomatligi va yashash sharoitlarini atroflicha o‘rgandi.

Uchrashuv davomida bemorlar malakali tibbiy ko‘rikdan o‘tkazildi. Aholi salomatligini muhofaza qilish borasidagi davlat siyosatining uzviy davomi sifatida, bemor farzandlarning viloyat davolash-profilaktika muassasalarida bepul davolanishi uchun maxsus yo‘llanma (order) ajratilishi ta’minlanishi ma’lum qilindi.