TADBIRKORLIK OBYEKTI FAOLIYATI QONUNCHILIK TALABLARI ASOSIDA O‘RGANILDI

Xalq deputatlari Namangan shahar Kengashi kotibiyati mudiri 

N. Ubaydullayev tomonidan “Shodlik” mahallasi hududida qurilishi yakunlanmagan tadbirkorlik obyektining holati o‘rganilib, mavjud muammolarga e’tibor qaratildi.

O‘rganish davomida qurilish ishlarining yakunlanishi, obyekt faoliyatini yo‘lga qo‘yish hamda yuzaga kelgan muammolarni qonuniy hal etish bilan bog‘liq masalalar ko‘rib chiqildi.

Mazkur masalalarni huquqiy jihatdan o‘rganishda O‘zbekiston Respublikasining 2012-yil 2-maydagi O‘RQ-328-son “Tadbirkorlik faoliyati erkinligining kafolatlari to‘g‘risida”gi Qonuni hamda O‘zbekiston Respublikasi Shaharsozlik kodeksi muhim huquqiy asos hisoblanadi.

Ushbu hujjatlar doirasida tadbirkorlik faoliyatining qonuniy amalga oshirilishi, qurilish ishlariga oid talablar va obyektning tegishli hujjatlari bilan bog‘liq holatlar vakolatli tashkilotlar tomonidan belgilangan tartibda ko‘rib chiqilishi lozim.

O‘rganish natijalari bo‘yicha mavjud muammolarni aniqlashtirish, tegishli tashkilotlar bilan hamkorlikni yo‘lga qo‘yish va ularning qonuniy yechimini topishga ko‘maklashish yuzasidan ishlarni davom ettirish zarurligi qayd etildi.