O‘quvchilarning ijodiy ishlari bilan tanishildi

Xalq deputatlari O‘rta Chirchiq tuman Kengashining 15-O‘zbekiston saylov okrugi deputati Radjapov Shuxrat Payg‘ambarovich tomonidan Darxan MFY hududidagi 28-umumta’lim maktabida o‘quvchilarning bo‘sh vaqtlarini mazmunli tashkil etish, ularning ijodiy qobiliyat va iste’dodlarini rivojlantirish borasida amalga oshirilayotgan ishlar o‘rganildi.

O‘rganish davomida o‘quvchilar tomonidan qo‘lda yasalgan turli ijodiy buyumlar, amaliy san’at namunalari hamda ularning ijodiy ishlari bilan tanishildi.

Bunday mashg‘ulotlar o‘quvchilarning tasavvuri va ijodkorligini rivojlantirish, mehnatsevarlik ko‘nikmalarini shakllantirish, bo‘sh vaqtlarini mazmunli o‘tkazish hamda yangi qobiliyatlarini namoyon etishida muhim ahamiyat kasb etadi.

Yosh avlodning iste’dodini qo‘llab-quvvatlash, ularni foydali mashg‘ulotlarga keng jalb etish va ijodiy tashabbuslarini rag‘batlantirishga qaratilgan ishlarni izchil davom ettirish zarurligiga e’tibor qaratildi.

✅Xalq deputatlari O'rta Chirchiq tuman Kengashi kotibiyati axborot xizmati!