DEPUTATLIK NAZORATI: SPORT INFRATUZILMASI O‘RGANILDI
Xalq deputatlari Qo‘shko‘pir tumani Kengashi kotibiyati bosh mutaxassisi S. Matyaqubova hamda Kengash deputati A. Jumaniyozov tomonidan Qo‘shko‘pir tumani Bolalar-o‘smirlar sport maktabining faoliyati o‘rganildi.
O‘rganish davomida maktab qoshida mini-futbol mashg‘ulotlari yo‘lga qo‘yilgani, shuningdek, katta futbol stadionining mavjud holati, sun’iy qoplama yotqizish va ta’mirlash ishlarini amalga oshirish masalalariga e’tibor qaratildi.
Deputatlar tomonidan sport infratuzilmasini yaxshilash, yoshlar uchun munosib sport sharoitlarini yaratish hamda futbol bilan shug‘ullanuvchilar uchun zarur imkoniyatlarni kengaytirish muhimligi ta’kidlandi.
Aniqlangan masalalarni hal etish yuzasidan deputat A. Jumaniyozov tomonidan tegishli mas’ul tashkilotlarga deputatlik so‘rovi yuborilishi ma’lum qilindi.