#24_másele
#5_sanlı_K_Nurlıbaev_saylaw_okrugi
#Milliy_tiklanish_demokretik_partiyası

✅ Deputat aymaqta jańadan ashılıp atırǵan jer maydanları menen tanıstı

⚡️ Xalıq deputatları Shımbay rayonlıq Keńesi sekretariat baslıǵı M.Zarikeev “Tazǵara” APJ aymaǵındaǵı jańadan ashılıp atırǵan jer maydanlarınıń jaǵdayı hám olardan nátiyjeli paydalanıw boyınsha ámelge asırılıp atırǵan jumıslar menen tanıstı.

Úyreniw dawamında jer maydanların ózlestiriw procesi, olardan belgilengen maqsetler tiykarında paydalanıw imkaniyatları jáne aymaqtıń bar potencialın iske qosıw máselelerine itibar qaratıldı. Sonday-aq, jańa jer maydanların paydalanıwǵa kirgiziw arqalı xalıq ushın qosımsha imkaniyatlar jaratıw, isbilermenlik jumısın rawajlandırıw hám jańa jumıs orınların shólkemlestiriw perspektivaları boyınsha pikir alısıldı.
Deputat jer maydanlarınan aqılǵa uǵras hám nátiyjeli paydalanıw, olardı belgilengen tártipte ózlestiriw jáne ámelge asırılıp atırǵan jumıslardıń nızamlılıǵı hám maqsetke muwapıqlıǵın támiyinlew zárúrligin atap ótti.

Úyreniw juwmaǵında aymaqtıń sociallıq-ekonomikalıq rawajlanıwına xızmet etetuǵın baslamalardı qollap-quwatlaw, bar imkaniyatlardan únemli paydalanıw hám bul baǵdardaǵı jumıslardı deputatlıq qadaǵalaw tiykarında baqlap barıw máselelerine itibar qaratıldı.