Xalq deputatlari Qo‘qon shahar Kengashiga 14-“Degrizlik” saylov okrugidan saylangan deputat O.Bozarov tomonidan “Degrizlik” mahalla fuqarolar yig‘inida mahalla raisi A.Sodirovning faoliyati yuzasidan o‘rganish ishlari olib borildi.

O‘rganish davomida mahalla raisi tomonidan hududda amalga oshirilayotgan ishlar, aholi bilan olib borilayotgan muloqotlar hamda fuqarolarning murojaatlari bilan ishlash jarayonlariga e’tibor qaratildi. Shuningdek, mahalladagi mavjud muammolarni aniqlash, ularni tegishli tashkilotlar bilan hamkorlikda hal etish va aholining kundalik hayotiga taalluqli masalalarni o‘z vaqtida ko‘rib chiqish borasidagi faoliyat o‘rganildi.

Mahalla raisining asosiy vazifalaridan biri fuqarolar manfaatlarini himoya qilish, mahallada tinchlik va hamjihatlik muhitini mustahkamlash, shuningdek, aholini qiynayotgan masalalarga befarq bo‘lmasdan, ularning yechimi bo‘yicha tegishli choralarni ko‘rishdan iborat. Shu nuqtayi nazardan, o‘rganish jarayonida aholi bilan ochiq muloqotni yo‘lga qo‘yish va mahalladagi dolzarb masalalarga alohida e’tibor qaratish muhimligi ta’kidlandi.

Shuningdek, hududda obodonlashtirish ishlarini tashkil etish, mahalla infratuzilmasini yaxshilash, ijtimoiy ko‘makka muhtoj fuqarolarni qo‘llab-quvvatlash hamda mahalla faollari bilan hamkorlikni kuchaytirish masalalari yuzasidan fikr almashildi.

Deputatlik o‘rganishlari orqali mahalla boshqaruvi faoliyatini tahlil qilish, fuqarolar manfaatlariga daxldor masalalarni aniqlash va ularning hal etilishiga ko‘maklashish ko‘zda tutiladi.

Xalq deputatlari Qo‘qon shahar Kengashi