MAHALLA INSTITUTI FAOLIYATI — DOIMIY KOMISSIYA NAZORATIDA
🏛 Xalq deputatlari Pastdarg‘om tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan O‘zbekiston Respublikasi Vazirlar Mahkamasining 2018-yil 15-fevraldagi 117-sonli “Mahalla institutining yanada samarali faoliyat yuritishini ta’minlash chora-tadbirlari to‘g‘risida”gi qarori ijrosini o‘rganish rejalashtirildi.
📄 Shu munosabat bilan, 2026-yil 14-oktabr kuni doimiy komissiya raisi Nodir Dusmuratov tomonidan tuman hokimi o‘rinbosari S. Hamrayevga 91-kx-487-26-sonli rasmiy xat yuborildi.
🔎 O‘rganish doirasida:
🔹 Qarorda belgilangan vazifalarning tumanda bajarilishi;
🔹 Mahalla institutining samarali faoliyatini tashkil etish bo‘yicha amalga oshirilgan ishlar;
🔹 Erishilgan natijalar, mavjud muammo va kamchiliklar;
🔹 Mahallalar faoliyatini takomillashtirishga qaratilgan chora-tadbirlar holati tahlil qilinadi.
📑 Mas’ul tashkilotdan qaror ijrosi yuzasidan batafsil ma’lumotlar, tegishli hisobotlar va tasdiqlovchi hujjatlarni taqdim etish hamda o‘rganish jarayonida mas’ul xodimlar ishtirokini ta’minlash so‘raldi.
🎯 Maqsad — mahalla institutining faoliyatini tizimli tahlil qilish, mavjud muammolarni aniqlash va ularni bartaraf etish bo‘yicha aniq taklif hamda tavsiyalar ishlab chiqish.
O‘rganish natijalari doimiy komissiya yig‘ilishida muhokama qilinadi va tegishli xulosalar asosida deputatlik nazorati choralari belgilanadi.