🔰#munosabat

BOLALAR XAVFSIZLIGI — ENG USTUVOR VAZIFA

👨‍👩‍👧‍👦Bolalarga nisbatan jinsiy zo‘ravonlik uchun javobgarlikning kuchaytirilishi jamiyatda bola huquqlari, sha’ni va qadr-qimmatini himoya qilish masalasiga yanada jiddiy yondashish zarurligini ko‘rsatadi.
👨‍👩‍👧‍👦Deputat sifatida ta’kidlamoqchimanki, har bir bolaning xavfsiz muhitda yashashi, ta’lim olishi va sog‘lom ulg‘ayishi uchun sharoit yaratish barchamizning burchimizdir. Bunday jinoyatlar uchun jazoning muqarrarligi bolalar himoyasini ta’minlashda muhim ahamiyat kasb etadi.
👨‍👩‍👧‍👦Shu bilan birga, bolalarni zo‘ravonlikdan himoya qilish faqat qonuniy choralar bilan cheklanmasligi kerak. Ota-onalar, ta’lim muassasalari, mahalla va keng jamoatchilik hamkorligida bolalarning huquqiy savodxonligini oshirish, ularni xavf-xatarlardan ogoh etish hamda har qanday zo‘ravonlik holatiga befarq bo‘lmaslik zarur.
👨‍👩‍👧‍👦Zero, bolaning hayoti, xavfsizligi va daxlsizligi — jamiyatning eng muhim qadriyatidir. Bolalarga qarshi jinoyat sodir etgan har qanday shaxs qonun oldida javob berishi shart.

Latofat Behbudova,
Xalq deputatlari Jondor tumani Kengashi raisi,

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt