#deputatlik_nazorati_Uchtepa #162_ta_eng_muhim_qonun

BEPUL DORI-DARMON TA’MINOTI YUZASIDAN DEPUTATLIK NAZORATI O‘TKAZILDI

🇺🇿 Xalq deputatlari Uchtepa tumani Kengashining "7-Beshqayrag‘och" saylov okrugi deputati Ziyoda Xaydarova hamda "11-Taqachi" saylov okrugi deputati Saodat Dusmuxamedova tomonidan tumandagi 23-sonli oilaviy poliklinikada aholiga bepul beriladigan dori-darmon vositalari ta’minoti yuzasidan deputatlik nazorati o‘tkazildi.

💊 O‘rganish davomida davlat tomonidan kafolatlangan dori vositalarining fuqarolarga belgilangan tartibda yetkazilishi, reimbursatsiya dasturi doirasida elektron retseptlar orqali dori-darmon berilishi hamda bemorlarning zarur preparatlardan o‘z vaqtida foydalanish imkoniyatlari ko‘rib chiqildi.

🗂 Shuningdek, mazkur jarayonda tibbiyot muassasasida dori-darmon ta’minotini tashkil etish holatiga e’tibor qaratilib, mavjud masalalar yuzasidan mas’ullarga tegishli tavsiyalar berildi. Deputatlik nazorati O‘zbekiston Respublikasining 1996-yil 29-avgustdagi 265-I-sonli “Fuqarolar sog‘lig‘ini saqlash to‘g‘risida”gi Qonuni ijrosini nazorat qilish doirasida amalga oshirildi.

⏫️ O‘rganishdan ko‘zlangan asosiy maqsad — aholining bepul dori-darmon vositalari bilan ta’minlanishini nazorat qilish, tibbiy xizmatlar sifatini oshirish hamda fuqarolarning sog‘liqni saqlash sohasidagi qonuniy huquq va manfaatlarini ta’minlashdan iborat.