Xalıq deputatları Taxtakópir rayonlıq Keńesi janındaǵı «Sociallıq taraw, jaslar siyasatı, mádeniyat hám sport máseleleri boyınsha» turaqlı komissiya baslıǵı Q.Jaliev hám "Jaslar máslahat" toparı aǵzası R.Muratbaev penen birgelikte, 2-sanlı mektep oqıwshıları menen ashıq sáwbet kórinisinde ushırasıw ótkerdi.
Ushırasıwda jaslardıń keleshektegi kásip tańlaw máseleleri, rejeleri, joqarı oqıw orınlarına kiriw imkaniyatları hám mámleketimizde jaslar ushın jaratılıp atırǵan imkaniyatlar haqqında pikir alısıldı.
Deputat Q.Jaliev hám "Jaslar máslahat" toparı aǵzası R.Muratbaev óz sózlerinde jaslar - eldiń keleshegi ekenin atap ótip, olardı jaqsı bilim alıwǵa, zamanagóy kásip-ónerlerdi iyelewge hám jámiyetlik turmısta belsendi bolıwǵa shaqırdı.
Ashıqtan-ashıq sáwbetlesiw tárizinde ótken ushırasıwda jaslar ózlerin qızıqtırǵan sorawlarına juwaplarr aldı.