Xalq deputatlari Chilonzor tuman Kengashi deputati Mutalov Omonulla Nig‘matullayevich tomonidan saylov okrugiga qarashli hududda sanitariya-obodonlashtirish ishlari, hudud tozaligi hamda mavjud infratuzilmaning holati o‘rganildi.

O‘rganish davomida maishiy chiqindilarni o‘z vaqtida olib chiqib ketish holati, ko‘p qavatli uylarning ichki yo‘laklari (pod’yezdlari), yerto‘lalari va uylar atrofidagi hududlarning tozaligi, sanitariya holati ko‘zdan kechirildi.

Shuningdek, mahalla ichki ko‘chalari va yo‘l qoplamalarining holati ko'zdan kechirildi. Mahalla yo‘l yoqalarida chiqindilar o‘z vaqtida olib chiqib ketilmasdan to‘planib qolgani o‘rganildi.

Aniqlangan kamchiliklarni bartaraf etish, hududlarni muntazam tozalash, ko‘p qavatli uylar atrofida obodonlashtirish ishlarini kuchaytirish va aholiga qulay hamda xavfsiz muhit yaratish masalalari deputat tomonidan nazoratga olindi.