Xalq deputatlari Tuproqqalʼa tumani Kengashi deputatlari Sobirjon Baxtiyorovich Allayorov va Nafosat G‘anjayevna Allaberganova, “Adolat” SDP tuman Kengashi raisi Otaxon Abdullayev rahbarligida ishchi guruh tuzib, tegishli masʼul tashkilotlar mutaxassislarini jalb qilgan holda ijtimoiy reyestrda turgan oilalar bilan bog‘liq masalalarni o‘rgandilar.
Ijtimoiy reyestrga kiritilgan oilalar aʼzolariga davlat tomonidan ko‘rsatilayotgan ijtimoiy xizmatlarning holati, ularning ehtiyoj va muammolari tahlil qilindi.
Shuningdek, kambag‘al va kambag‘allik chegarasidagi oilalar aʼzolarining imkoniyati, mutaxassisligi, salohiyati va xohish-istaklari inobatga olingan holda, ularni doimiy ish bilan taʼminlash hamda barqaror daromad manbaiga ega qilish masalalari o‘rganildi.
Aniqlangan muammolar yuzasidan masʼul tashkilotlar bilan hamkorlikda ularni bartaraf etish, oila aʼzolarining bandligini taʼminlash va turmush sharoitini yaxshilashga kelishib olindi.