“NODIRABEGIM” AXBOROT-KUTUBXONA MARKAZIDA YARATILGAN SHAROITLAR O‘RGANILDI

Namangan shahridagi “Nodirabegim” axborot-kutubxona markazi faoliyati o‘rganilib, foydalanuvchilar uchun yaratilgan sharoitlar bilan tanishildi.

O‘rganish davomida axborot-kutubxona xizmatlarining tashkil etilishi, kitobxonlar uchun yaratilgan qulayliklar, mavjud adabiyotlar fondi, o‘quv zallari hamda zamonaviy axborot texnologiyalaridan foydalanish imkoniyatlari ko‘zdan kechirildi.

Shuningdek, markaz faoliyatini yanada takomillashtirish, kitobxonlik madaniyatini rivojlantirish va aholiga sifatli axborot-kutubxona xizmatlarini ko‘rsatish masalalariga e’tibor qaratildi.

O‘rganish jarayonida Kengashning doimiy komissiyalari kesimidagi qonunlar taqsimotidan “Axborot-kutubxona faoliyati to‘g‘risida”gi O‘zbekiston Respublikasi Qonuni, O‘RQ-280-son hamda sohaga oid boshqa qonunchilik hujjatlari talablari o‘rganildi.

O‘rganish ishlari Xalq deputatlari Namangan shahar Kengashi kotibiyati mudiri N. Ubaydullayev va kotibiyat bosh mutaxassisi A. Nurmatov tomonidan amalga oshirildi.

🟦🟦🟦🟦🟦🟦