FUQAROLAR SOGʻLIGʻINI SAQLASH — E’TIBOR VA MAS’ULIYAT MASALASI

O‘zbekiston Respublikasining “Fuqarolar sog‘lig‘ini saqlash to‘g‘risida”gi Qonuni ijrosi. Mazkur qonun fuqarolarning sog‘liqni saqlash sohasidagi huquqlarini kafolatlash, tibbiy yordam ko‘rsatishning huquqiy asoslarini belgilash hamda aholi salomatligini muhofaza qilishga qaratilgan. O‘mronchi mahalla fuqarolar yig‘ini hududidagi oilaviy shifoxonada mazkur qonun ijrosi, aholiga tibbiy xizmat ko‘rsatish va foydalanish imkoniyatlari o‘rganildi.
Tuman Kengashi deputati G. Keldibekova tomonidan oilaviy shifoxona faoliyatini o‘rganishdan asosiy maqsad — qonun talablarining amalda ta’minlanishi, aholi murojaatlari va tibbiy xizmat ko‘rsatish bilan bog‘liq masalalarga e’tibor qaratishdan iborat. Sog‘liq — har bir insonning eng muhim boyligi. Uni asrash esa nafaqat tibbiyot xodimlari, balki butun jamiyatning umumiy vazifasidir.