✅Xalq deputatlari shahar Kengashi deputati D. Kambarova tomonidan tegishli mas’ullar ishtirokida shahar Tibbiyot birlashmasining mavjud infratuzilmasini takomillashtirish hamda hududda amalga oshirilishi rejalashtirilgan ishlar bilan yaqindan tanishildi.

➡️O‘rganish davomida ikki muhim masalaga alohida e’tibor qaratildi:

🔹 Birinchi masala — Tibbiyot birlashmasining orqa qismida joylashgan, hokimlik zaxirasida bo‘lgan yer maydonini tibbiyot muassasasiga qo‘shib, hududni obodonlashtirish va shaharsozlik talablari asosida tegishli loyihalarni amalga oshirish imkoniyatlari muhokama qilindi.

🔹 Ikkinchi masala — “Tashabbusli budjet” loyihasi doirasida g‘olib bo‘lgan tashabbus asosida Tibbiyot birlashmasining kirish qismi oldidagi hududni kengaytirish, uning tashqi ko‘rinishi va infratuzilmasini zamonaviy talablarga mos ravishda takomillashtirish bo‘yicha rejalashtirilgan ishlar ko‘zdan kechirildi.

✅Mazkur ishlarning amalga oshirilishi tibbiyot muassasasi hududining yanada obod, qulay va zamonaviy ko‘rinishga kelishiga, fuqarolar uchun yaratiladigan shart-sharoitlarni yaxshilashga xizmat qiladi.

📌 O‘rganish jarayonida mavjud masalalar yuzasidan mas’ullarga tegishli taklif va tavsiyalar bildirilib, belgilangan vazifalarni sifatli hamda amaldagi tartiblar asosida amalga oshirish masalalari muhokama qilindi.