DOIMIY KOMISSIYA YIG‘ILISHI O‘TKAZILDI

Xalq deputatlari Namangan shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishi bo‘lib o‘tdi.

Yig‘ilishda O‘zbekiston Respublikasi Prezidentining 2025-yil 3-yanvardagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish chora-tadbirlari to‘g‘risida”gi 1-sonli qarori ijrosini ta’minlash yuzasidan Namangan shahrida amalga oshirilayotgan ishlar holati ko‘rib chiqildi.

Shuningdek, ichki ishlar organlarining hisoboti eshitildi hamda masala atroflicha muhokama qilindi.

Yig‘ilish yakunida mavjud muammo va kamchiliklarni bartaraf etish yuzasidan tegishli tavsiyalar berildi hamda ijro intizomini kuchaytirish bo‘yicha aniq vazifalar belgilab olindi.