O‘rganish davomida “Mahalliy Kengash deputati faoliyatining eng muhim 24 ta yo‘nalishi”ning 6-yo‘nalishi — mahalla xotin-qizlar faoli tomonidan amalga oshirilayotgan ishlarning samaradorligi tahlil qilindi.

Jumladan, mahalladagi xotin-qizlarning muammolarini aniqlash va ularni hal etish, ijtimoiy ko‘makka ehtiyojmand ayollarni qo‘llab-quvvatlash, bandligini ta’minlash, tadbirkorlikka jalb etish hamda ularning huquq va manfaatlarini himoya qilish borasida amalga oshirilayotgan ishlar o‘rganildi.

Shuningdek, xotin-qizlar o‘rtasida oilaviy muhitni mustahkamlash, ijtimoiy faollikni oshirish va turli muammoli holatlarning oldini olish bo‘yicha olib borilayotgan targ‘ibot-tushuntirish ishlari yuzasidan fikr almashildi.

O‘rganish yakunlari bo‘yicha mahallada xotin-qizlar bilan ishlash samaradorligini yanada oshirish, mavjud muammolarni manzilli hal etish hamda belgilangan vazifalar ijrosini kuchaytirish yuzasidan tegishli tavsiya va takliflar bildirildi.