O‘rganish davomida amalga oshirilayotgan ishlar ko‘lami, qurilish materiallaridan foydalanish holati, ishlarning belgilangan talablar asosida bajarilishi hamda ta’mirlash jarayonining sifat va samaradorligiga alohida e’tibor qaratildi.

Shuningdek, ta’mirlash ishlarini belgilangan muddatlarda sifatli yakunlash, maktab binosining texnik holatini yaxshilash, o‘quvchilar va pedagoglar uchun xavfsiz hamda qulay ta’lim muhitini ta’minlash masalalari yuzasidan fikr almashildi.

O‘rganish yakunida qurilish-ta’mirlash ishlarini sifatli tashkil etish, belgilangan me’yor va talablarga qat’iy rioya qilish, ishlarni o‘z vaqtida yakunlash hamda ta’lim muassasasida xavfsizlik choralarini ta’minlash yuzasidan mas’ullarga tegishli tavsiya va vazifalar belgilab berildi.

Deputat tomonidan mazkur ishlar natijadorligi va belgilangan vazifalarning ijrosi deputatlik nazorati tartibida kuzatib borilishi ta’kidlandi.

Ta’lim muassasalarining moddiy-texnik bazasini mustahkamlash, maktablarda munosib ta’lim sharoitlarini yaratish va amalga oshirilayotgan qurilish-ta’mirlash ishlarining sifatini ta’minlash — doimiy e’tiborda.