Xalq deputatlari Yangiobod tuman Kengashi raisi, deputat X. Tilakov tomonidan tuman tashkilotlari bilan hamkorlikda mahallalarda xotin-qizlar faollari tomonidan amalga oshirilayotgan ishlarning samaradorligi yuzasidan mas’ullar ishtirokida muhokama o‘tkazildi.

Muhokama davomida mahallalarda xotin-qizlar bilan ishlash, ularning murojaat va muammolarini o‘rganish, bandligini ta’minlash, daromad manbalarini kengaytirish, ajrim yoqasidagi va nizoli oilalar bilan manzilli ishlash, oilaviy nizolarning oldini olish hamda ijtimoiy ko‘makka muhtoj ayollarni qo‘llab-quvvatlash masalalariga e’tibor qaratildi.

Shuningdek, xotin-qizlar faollarining mahalladagi faoliyatini yanada samarali tashkil etish, mavjud muammolarni tegishli tashkilotlar bilan hamkorlikda hal etish, nizoli oilalardagi vaziyatni barqarorlashtirish va amalga oshirilayotgan ishlarning natijadorligini oshirish bo‘yicha fikr almashildi.

Muhokama yakunida aniqlangan masalalar yuzasidan tegishli tavsiyalar berilib, xotin-qizlar bilan ishlashda manzillilik, natijadorlik va amaliy hamkorlikni kuchaytirish bo‘yicha vazifalar belgilandi.