Xalq deputatlari Yangiobod tuman Kengashi Kotibiyati mudiri, deputat V. Xasanov tomonidan Havotog‘ QFYning Qo'shqand qishlog‘ida aholi uchun muhim bo‘lgan ichki yo‘llarni yaxshilash va obodonlashtirish borasida olib borilayotgan ishlarning borishiga e’tibor qaratildi.

Ayni paytda qishloq ko‘chalarini shag‘allashtirish ishlari davom etmoqda. Mazkur ishlar natijasida ichki yo‘llarning holatini yaxshilash, aholining piyoda va transport vositalarida harakatlanishi uchun qulay sharoit yaratish hamda yomg‘irli mavsumda yo‘llardan foydalanishdagi qiyinchiliklarni kamaytirish ko‘zda tutilmoqda.

Jarayon davomida shag‘al yotqizilayotgan ko‘chalar, bajarilayotgan ishlarning sifati va yo‘lning foydalanishga qulayligini ta’minlash masalalariga e’tibor qaratildi.

Shuningdek, ishlarni belgilangan tartibda va sifatli yakunlash, aholining murojaatlari hamda hududdagi mavjud ehtiyojlarni inobatga olish yuzasidan mas’ullar bilan fikr almashildi.