17-sonli maktabning isitish tizimi — deputatlik nazoratida

#kotibiyat_mudiri _ ish_reja ijrosi
#kunlik_ish_reja_ijrosi

Ta’lim muassasalarida o‘quvchi-yoshlar uchun qish mavsumida qulay, xavfsiz va issiq shart-sharoitlar yaratish, maktablarning kuz-qish mavsumiga puxta tayyorgarligini ta’minlash masalasi deputatlik nazoratining muhim yo‘nalishlaridan biridir.

Shu maqsadda Xalq deputatlari Angor tumani Kengashi 4-Tallimaron -“ Yuqori Tallimaron ” saylov okrugi deputati Z.Djumayev tomonidan 17-sonli umumta’lim maktabida nazorat-tahlil tadbiri o‘tkazildi.

Mazkur o‘rganish Oliy Majlis Senati tomonidan mahalliy Kengash deputatlari faoliyati uchun belgilangan “Mahalliy Kengash deputati faoliyatining eng muhim 24 ta yo‘nalishi” mezonlari asosida tashkil etildi.

Xususan, 11-band — ijtimoiy soha obyektlarining kuz-qish mavsumiga tayyorgarligi va isitish tizimi holatini o‘rganish yo‘nalishiga alohida e’tibor qaratildi.