Xalq deputatlari Yunusobod tuman Kengashi deputati, tuman hokimi Saidaliyev A. tomonidan “Otchopar-1” MFY, Darvozakent ko‘chasi, 60-uy manzilida joylashgan Fan olimpiadalari markazida olib borilayotgan rekonstruksiya va qurilish ishlari jarayoni o‘rganildi.

🔎O‘rganish davomida:

🔹Qurilish-ta’mirlash ishlarining borishi va bajarilayotgan ishlar sifati ko‘zdan kechirildi;

🔹Binoning fasad qismi, ichki xonalar hamda hududni obodonlashtirish bo‘yicha belgilangan vazifalar tahlil qilindi;

🔹Yoshlarning intellektual salohiyatini rivojlantirish uchun markazda zamonaviy va qulay shart-sharoitlar yaratish masalalariga e’tibor qaratildi.

✅Deputat tomonidan mas’ul tashkilotlar bilan hamkorlikda qurilish ishlarini loyiha talablari asosida sifatli tashkil etish, aniqlangan masalalarni o‘z vaqtida hal etish va ishlarning ijrosini nazorat qilish bo‘yicha tegishli takliflar bildirildi.

📌Deputatlik nazorati — hududlarni rivojlantirish va aholi uchun munosib shart-sharoitlar yaratishning muhim yo‘nalishlaridan biridir.

Bizni kuzatishda davom eting!