SAYLOVCHILAR BILAN UCHRASHUV O‘TKAZILDI


Xalq deputatlari Angor tumani Kengashining 21-Chinobod saylov okrugi deputati G.Mamatova tomonidan “Chinobod” mahallasida saylovchilar bilan uchrashuv bo‘lib o‘tdi.

Uchrashuv davomida fuqarolar tomonidan bildirilgan muammo, murojaat va takliflar tinglanib, ularni hal etish yuzasidan ochiq va samimiy fikr almashildi.

Shuningdek, saylovchilarni qiynayotgan masalalar atroflicha o‘rganilib, ularning yechimini topish, murojaatlarda ko‘tarilgan muammolarni tegishli tashkilotlar bilan hamkorlikda bartaraf etish yuzasidan zarur choralarni ko‘rish belgilab olindi.

👥 Uchrashuv davomida aholining fikr va takliflari deputatlar faoliyatida muhim ahamiyat kasb etishi, fuqarolar bilan muntazam muloqot olib borish orqali hududdagi dolzarb masalalarga amaliy yechim topish muhimligi ta’kidlandi.

🌿 Saylovchilar bilan bevosita muloqot — xalq manfaatlarini o‘rganish va muammolarga amaliy yechim topishning muhim vositasidir.