Xalq deputatlari Qo‘qon shahar Kengashi deputati, shahar hokimi M.Usmonov hamda 11-“O‘rmonbog‘” saylov okrugidan saylangan deputat N.Shomatov tomonidan “Davronbek” mahalla fuqarolar yig‘inida navbatdagi saylovchilar bilan uchrashuv va o‘rganish ishlari olib borildi.

O‘rganishlar davomida Davronbek ko‘chasi, 43-xonadonda istiqomat qiluvchi Isaqjonov Dilshodjonning oilaviy sharoiti, daromad manbalari hamda bandlik holati bilan yaqindan tanishildi. Tashrif davomida fuqaro norasmiy tarzda qandolatchilik faoliyati bilan shug‘ullanayotgani aniqlandi.

Fuqaroning mavjud imkoniyatlaridan samarali foydalanish, oilaning daromadlarini oshirish va doimiy daromad manbasini shakllantirish maqsadida tadbirkorlik faoliyatini rivojlantirish masalalari muhokama qilindi.

Shuningdek, oila daromadini yanada oshirish maqsadida quyonchilik yo‘nalishini rivojlantirish uchun kredit ajratish, shuningdek, farzandlarining repetitorlik kurslarida ta’lim olishi uchun moddiy yordam ko‘rsatish bo‘yicha mas’ullarga tegishli ko‘rsatma va tavsiyalar berildi.

Xalq deputatlari Qo‘qon shahar Kengashi