Xalıq deputatları Bozataw rayonlıq Keńesiniń deputatları Sh. Berdaxov, G.YUsupova hám J.Jumanazarovlar tárepinen rayondaǵı nuraniylar qatnasıwında ushırasıw hám ashıq pikirlesiw ótkerildi.

Ushırasıw dawamında elimizde alıp barılıp atırǵan keń kólemli reformalar, xalıqtıń sociallıq qorǵalıwın kúsheytiw, máhállelerde tınıshlıq-tatıwlıqtı támiyinlew, kekselerdi hár tárepleme qollap-quwatlawǵa qaratılǵan Ózbekstan Respublikası Prezidentiniń párman hám qararları jáne Ministrler Kabinetiniń qararlarınıń mazmun-mánisi haqqında túsinikler berildi. 

Sonday-aq, mámleketimiz tárepinen nuranıylar ushın jaratılıp atırǵan imkaniyatlar, olardıń jámietlik turmısta belsene qatnasıwın támiyinlew, bay turmıslıq tájiriybesi hám aqıl-násiyatlarınan jaslar tárbiyasında nátiyjeli paydalanıw máselelerine ayrıqsha itibar qaratıldı.

Sóylesiw dawamında nuranıylardıń pikir-usınısları tıńlanıp, olardı qıynap kiyatırǵan máseleler boyınsha tiyisli túsinikler berildi.

Nuraniylar - xalqımızdıń biybaha ruwxıy baylıǵı. Olardıń turmıslıq tájiriybesi, pátiya hám másláhátleri jámietimizdiń rawajlanıwı hám jas áwladtıń tárbiyasında úlken áhmiyetke iye.