Muammolar ko‘chama-ko‘cha yurib o‘rganildi

Xalq deputatlari Qo‘shko‘pir tumani Kengashi deputati Ulug‘bek Allaberganov hamda Kengash kotibiyati bosh mutaxassisi S. Matyaqubova Polvon mahallasida aholi bilan bevosita muloqot qilish, hududdagi mavjud muammolarni joyiga chiqqan holda o‘rganish maqsadida ko‘chama-ko‘cha yurib, fuqarolar murojaatlarini tingladilar.

O‘rganish davomida Quyoshli va Polvonli ko‘chalarida istiqomat qiluvchi aholi elektr ta’minotidagi mavjud muammoni ko‘tarib, hududga yangi transformator o‘rnatish zarurligini bildirdilar.

Mazkur murojaat deputatning ish jurnaliga qayd etilib, muammoni qonunchilikda belgilangan tartibda hal etish maqsadida tegishli mutasaddi tashkilotlarga deputatlik so‘rovi bilan murojaat qilinishi ma’lum qilindi.

Aholi murojaatlarini joyida o‘rganish, ularning qonuniy manfaatlarini himoya qilish va mavjud muammolarni tegishli tashkilotlar bilan hamkorlikda bartaraf etish deputatlik faoliyatining muhim yo‘nalishlaridan biridir.