Xalq deputatlari Termiz tuman Kengashi 3-Nurafshon saylov okrugi deputati K.Abdullayeva saylangan hududda tuman Kengashi kotibiyati mutaxassisi T.Murodov tomonidan o‘rganish ishlari olib borildi.

O‘rganish davomida hududda yangi asfalt qoplamasi yotqizilishi rejalashtirilgan ichki ko‘chalar ko‘zdan kechirilib, amalga oshirilishi belgilangan ishlar holati o‘rganildi.

Shuningdek, hudud fuqarolari bilan muloqot o‘tkazilib, olib borilayotgan bunyodkorlik va obodonlashtirish ishlari yuzasidan fikr almashildi. Fuqarolar tomonidan bildirilgan taklif va mulohazalar kelgusidagi ishlarni samarali tashkil etishda inobatga olinishi ta'kidlandi.